Fleire stadnamn på plass i terrenget

Fleire lokale stadnamnskilt er sett ut i terrenget, denne gong på strekningen Nesvik-Baslid. Les meir på Jøsnes-sida på Facebook.   Har du lyst å vere med å produsere fleire stadnamnskilt, er det berre melde frå anten til Denne e-postadressa er beskytta mot program som samlar e-postadresser. Du må aktivere javaskript for å kunne sjå den. eller til Svanhild 97 00 76 36 . Bygdarådet har kjøpt inn material, fresemaskin og maling, og utstyret ligg klart i sløydsalen.  Arbeidet må ev tilpassast ift koronareglar.  Det er mange "ledige" namn i kartet, så det er berre kjekt om det blir laga fleire skilt.  Det er òg nokre ferdiglaga skilt som ventar på tur ut i vårsola. Dette er: Kumyrå, Løkkja, Øygjadsalsholet, Avlesset, Gjømmerdal, Gjømmerberg, Stegane. Viss du veit kor dette er, og har lyst å ta turen: ta kontakt  ! 

Tid for vårpussen på turstiane

Det er jamnleg og aktiv bruk av turstiane våre. Det betyr at mange av stiane er nokså tydelege og greie å finne. Men er ein ukjent på staden, og litt i tvil om retningane, så er det veldig godt at stiane både er skilta og merka.  På Jøsneset er det 13 frivillige turstifadrar, som har påtatt seg ansvar for kvar sine ruter, og våren er tida for oppfrisking av merker og skilt.

Les meir: Tid for vårpussen på turstiane

Velkommen til Jøsneset

"Velkommen-til-Jøsneset"- skiltet i Nesvikbakken er altså pussa opp og malt i nye fargar, og det er planta vårblomster.   Me gledar oss stort til den tida som kjem, då både hytteeigarar, slekt, venner, turistar og andre besøkande kan reise og feriere som før, og me kan samlast igjen saman i bygda vår.  Med denne oppussinga vil me uttrykkje at alle er hjarteleg velkommen tilbake !

Les meir: Velkommen til Jøsneset

Påskeharen har vore på besøk !!

Påskeharen har vore på besøk i bygda !!  Ta deg ein tur ut og kikk - sjå om du finn sporet ! Send oss gjerne eit foto på 97007636 når du finn det

Ny bålpanne

Jøsneset Helselag har kjøpt inn ny bålpanne til gapahuken ved Fosstemmen - God påske og god tur !!

Klar for fleire stadnamnskilt ?

Det er laga ferdig ein del fleire stadnamn-skilt, som er klare til utsetjing i terrenget. Det passar jo bra nå på våren!  Kjenner du til kor desse skilta skal vere, og har du lyst å setje de ut ? Supert ! De ligg klar på sløydsalen. Ta kontakt med Svanhild 97 00 76 36 om du vil ta turen ut med de !!

Skrot etter vinterstormane !

Frå Kåre Nesvik har me fått desse bildene og denne meldinga: " Eg tar meg ein strandtur og rydder litt av og til. Gir mange bonusar: god mosjon ! balansetrening ! bøy og tøy ! frisk luft ! og ikkje minst godt for miljøet !  Kanskje andre òg kan ta ein tur av og til? Fint å ta det på jabnå.  Det er nok å ta av, spesielt etter stormane! "

Flott idè frå Kåre, så herved er tipset vidareformidla !  Og samstundes  så opplyser Hold Norge Rent at på at pga koronasituasjonen så er alle FELLES organiserte strandryddingdugnader for våren avlyst, og utsatt til hausten.   Men det er fint om folk går kvar for seg, og her er eit par råd ......

Les meir: Skrot etter vinterstormane !