Ein bussjåfør, ein bussjåfør, det er jo som kjent ein mann med godt humør. Og det stemmer til dei grader for det vesle busselskapet med usedvanlig stort antall bussar, nemlig Sven Westersjø sitt busselskap, som har frakta elevane fra Jøsneset (og Ombo) trygt fram til skulen på Hjelmeland. 

I dag var det siste skuledag for elevane, og det var nok mange som var klare for å endeleg ta juleferie.
Men det var og ein merkedag for bussjåfør Sven, som hadde sin siste dag på jobb. 
I og med at dei nye ferjekaiane er ferdige, blir nemlig ikkje bussruta til Sven videreført. 

På den siste ferjeturen heimover fjorden blei det difor laga til ein liten avskjedsfest for Sven, og det vanka både julebrus, lovord og blomar. 
Det blei nesten litt vemodig å ta farvel. 
Me håper at hovedpersonen fekk opplevelse av at me har satt pris på jobben han har gjort, og ønsker han lykke til vidare!