Fredag ettermiddag danna det seg lange køar og mykje ventande folk på både Hjelmeland og Nesvik ferjekai.  Dette skuldast tekniske problem med styringsmekanismen ombord i ferja "Hjelmeland". 

Ved ferjeavgangen kl 14.15 frå Hjelmeland blei ferja fylt opp med helgetrafikk, men det tok lang tid før den vart klar for avgang; nærare bestemt 1 time og 25 min. Ferja gjekk frå Hjelmeland 15.40 i staden for 14.15. Dette medførte opphoping av bilar på begge sider; og det tok si tid før rutetidene blei ajour att.

Hell i uhell; været var deilig ; og mange trakk ut på kaien og på dekk.  Ja, enkelte reisande tok det så fint at dei slo opp campingsstolar på dekk og koste seg med kaffe og fredagsavisa i ettermiddagssola. ......medan ein god del andre var kanskje meir stressa?!